遇到個“好”同事
講起個同事真係把幾火
本人係從事一D保養及維修既工作
我個Team有7個人
一個組長, 另外我地六個人就分開兩隊
三人一隊, 我就同另外兩個同事一齊做野
其中一個年齡就比較大, 年資都有廿年
份人就無咩脾氣, 好易相處
另一個就特別麻煩, 新請半年多就已經問題多多
叫佢做保養就無咩野, 但係一叫佢做維修就燶起塊面
俾臉色我地睇, 仲要話我地做得唔好要點點點
一到放工時間就消失得無影, 拋低D野俾我地
份人縮骨兼算爆, 個次食飯我地一句戲言叫佢請食飯
一百蚊多少少, 佢已經一面唔情願個樣, 但係又主動俾錢
之後就日日提住話要我另一個同事請食飯, 搞到欠咗佢咁(因為之前我已經請過佢地食飯)
我另外個同事頂唔住就請佢食飯當買佢怕
成日話自己點點點, 咩大中細公司都做過
講到自己好勁咁既樣, 但係一做野做唔掂就鬆人
做野講野一D責任都唔負, 永遠起我地做完野之後就彈我地
問佢野慘過叫佢去死咁, 黑起塊面
每日見到佢我都火滾, 我另一個同事都頂唔順啦
睇下假如有一日我同另一個同事都唔忍佢既時候我就爆架啦 |
|
分享
收藏
分享
