歐國外繼續晚晚有好波，今晚無論比利時對威爾斯、意大利對克羅地亞都係所屬組別嘅前列、甚至係榜首大戰，當然可觀性十足。不過，查實荷蘭對拉脫維亞更係一眾「橙迷」萬萬不能錯過嘅賽事。事關荷蘭喺今次外圍賽出閘脫腳，踢3場輸2場，如果今晚有乜冬瓜豆腐，想出線真係難上加難，想睇「橙軍」打爭氣波？又或者係花生友想睇荷蘭點死？呢場都值得捧場呀！