捷克論壇 JKF

搜尋
查看: 76 | 回覆: 0 | 跳轉到指定樓層
sam770711
公爵 | 2018-10-31 20:41:49

記得在1993年,小弟在九龍公園遊泳池做summer job 的時候,在陰曆七月十X日,泳池按慣例燒街衣,當日當完更break緊的時候,清潔阿姐在後門的斜路仔燒街衣,於是走去幫手,諗住唔使當更可以蛇下,點知燒下燒下……越燒就越唔對路 …..

心諗撞鬼lu,太陽又猛烈,走近爐火就更加熱,成身標哂汗,望下身後仲有幾大袋有排燒,於是我同另外兩位同事求其燒,速戰速決,我地開始張溪錢、金銀圓寳、陰司紙亂咁拋入火堆中,由於亂咁拋,有好多溪錢等被風吹到一地都係。

此時清潔阿姐破口大駡:"你地唔好求其燒,燒唔哂返來問你攞就知味!"
我同事答道:"唔係咁猛下?"
清潔阿姐:"唔係嚇你,你知唔知大環山泳池有一年就因為燒街衣而出事?"

話說大環山泳池有一年來了一個新主管,他是教徒(唔記得係天主or基督教),在七月十X日燒街衣的時候,由於他是阿一,入鄉隨俗,於是叫人買了少量街衣,由他帶頭燒,由於他是教徒,內心唔係好想燒,但作為阿一唔燒唔得,於是他將街衣點著後,快手快腳拋哂入化寳盤後,有得佢自已燒,自已就走左去食燒肉。

他放工回家後,覺得好累,於是上床睡覺,就在睡得迷迷糊糊之際,突然有好多人址住他手手腳腳,把他拉醒了,他望見成間房企滿人,他們衣衫襤褸,冰冰泠泠,用怨毒的眼光恕視自己,而他手腳更被他們不斷拉址,並說:“你好快d俾番d衫我,你好快d俾番d衫我,如果唔係……..”,他嚇得泠汗直標…….,突然電話一響,他醒了,原來剛才發惡夢,可是聽筒傳來一把既緊張又急促的聲音::“阿頭,出左事,泳池剛剛浸死一件,你快d快來處理。”

由於泳池浸死人是很大件事,要寫薯仔文。於是他立即揸車返去善後。當他處理完公事後,坐低沈思之際,諗起剛才的夢 “你好快d俾番d衫我……..”,於是心緒不靈走去化寳盤一望,發現好多街衣、溪錢燒得一半就熄了,應該是點著後放入化寳盤後沒有用棒捧 “了下了下”,所以燒唔透被其他衣紙壓熄了,心想唔怪得佢地來揾我攞野啦,原來佢地收唔到,於是他立即重新燒過,“有怪莫怪…….”,以後年年交足數。
(完)
回覆 使用道具
您需要登入後才可以回覆 登入 | 加入會員

回頂部 下一篇文章 放大 正常倒序 快速回覆 回到列表