大家好，我係幫我老細問嘅，我老細想申請中港牌，但係我唔知點做，我想請問下咁多位，要如何去申請呢個中港牌呢？

你老細係用來投資定係自用㗎？

我老細係自用

你老細在廣東省有投資嗎？

我老細係潮州係有間廠既，咁樣請問可唔可以申請到？

要廣東省企業先得

你老細係廣東省政府部門有無人先？無人就唔使唸啦，有人就好辦好多。

我老細係潮州政府就有好多熟悉人，廣東省就應該無呱

我以前自己搞過，搞咗大大話話成5年，最後都係穩咗間顧問公司幫手，先搞得掂咋！找人攪好過自己攪, 因為實在手續太煩!

香港攪完手續又要攪大陸(其實最煩就係攪大陸o個邊)
皇崗現在無新牌開，要都係買人地之前出左o個o的中港牌。深圳灣就可以直開新牌.
出深圳灣就只可以在深圳灣出境(夜晚0000-0600例外，因深圳灣關門，就可以用皇崗)，出皇崗牌就三度地方都可以出境.
我都係整過一次，都係找人幫手攪手續，詳細既就唔多記得
我o個次就出新車，出深圳灣中港牌.
香港o個邊出車，買牌費燕梳固然要 喇仲要攪禁區紙
大陸o個邊仲要驗車，出牌，買燕梳，影相(大陸驗車好似在元朗o個邊做，唔係好記得在那)
司機就要有香港大陸既駕駛執照(廢話)，仲要上去做體檢(每年做一次)，體檢不是做普通出駕駛執照既體檢  ，中港司機做既體檢係要驗多好多野，要驗眼，睇口腔，照x-ray，抽血，度高磅重，驗小便等等(唔多記得，總之做好多好多野，上到醫院會比份野你去番相應既房做
一部中港車一個主司機和兩個副司機
第一次過關要在大陸關口做證，主司機不用做證，但要打指模，副司機會做一張card(類似八達通既card，張card叫"後備司機專用卡"，每次都要戴住張card要比埋大陸關睇.
做完呢步都未做完，
仲要過梅林，攪一張司機識別卡！呇a會在車頭玻璃既中間倒後鏡裝一個座，用來插呢張card，呢張card類似tunnel既autotoll咁樣
每個司機都有一張專用既card，邊個司機就插番相對既card
無呢張card就唔駛過關了，因不會開關比你
大致上係咁，逗留時間就無乜定，最好每90日度去過一過關(攪証條友同我咁樣講，但諗唔明點解要90日過下關)
基本上，上到大陸，都唔會點查你，你去邊度都無問題，見過有掛中港牌車上到武漢，北京..
可以google下GDV 廣東 中港牌 顧問

thanks!

謝謝分享謝謝分享謝謝分享