今期最 Hit 新機係邊部？唔使講相信大家都知係「蕉王」回歸 - Nokia 8110 4G！ 作為 Nokia 今年最有話題的新機，之前水貨係先達已經搶先炒起，將一部 Feature Phone 賣到過千銀，不過 Fans 們以為等到行貨到港就唔使食炒價？似乎太天真啦！因為剛剛有行貨到的 8110 4G，竟然有大鋪齊齊炒，真係估佢唔到！

Nokia 8110 4G 屬 HMD Originals 系列新作，由於食正「蕉王」的稱號，反應明顯比上年部 3310 好得多，唔單止水貨有人搶，就連行貨都有大鋪自行炒起，百老匯將原本建議零售價 $698 的 8110 4G，賣到黑色 $798 / 黃色 $998，加價足足 40% 有多！ 不過你肯食炒價，都未必買得到。因為今次 8110 4G HMD 返的黃色貨實在唔多，小編行過好幾間鋪頭都無貨，只得黑色版本，打算入手的 Fans，又會唔會「啃住先」呢？

▲百老匯是炒得最勁的大鋪，黃色版 8110 4G 賣到去 $998，炒起四成有多

▲見到行家炒得咁開心，另一間大鋪衛訊即時出稿，強調自己唔炒蕉，不過落到鋪貨量都係唔多，黃色賣晒、剩下黑色可選

Nokia 8110 4G 手機規格

終於十年前的電信大廠重新出發

終於十年前的電信大廠重新出發